Plantun de Prouvènço

Pèr coumpara dos planto d'encò nostre

Galium corrudifolium & Lythrum salicaria

Galium corrudifolium

Rubiaceae

Nom en français : Gaillet à feuilles d'asperge.

Descripcioun :
La reboulo-di-fueio-d'espargo es uno planto coumuno que trachis en mato dins li roucaio e li tepiero seco. Pòu faire fin qu'à 80 cm. L'enflourejado èi piramidalo e li petalo di flour soun acabado pèr uno pichoto arèsto. Se recounèis à si cambo e fueio primo ( = 1 mm), aquésti soun classicamen emé uno grosso costo que se vèi bèn e meme un pau enfounçado. Proche de Galium lucidum, se n'en destrìo em'aquesto costo e peréu emé la baso de la tijo di proun rufo. Coumpara emé la reboulo-lusènto que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 80 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca (Si)
Autour basso e auto : Pancaro entresigna
Aparado : Noun
Mai à juliet

Liò : Roucaio - Tepiero seco - Relarg à jóuinis aubret
Estànci : Termoumediterran à Mountagnard
Couroulougi : Éurimediterrano
Ref. sc. : Galium corrudifolium Vill., 1779 (= Galium lucidum subsp. corrudifolium (Vill.) Bonnier, 1922 )

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.